2023(e)ko martxoaren 17(a), ostirala

MARTXOAK 8 LEHEN HEZKUNTZAN

1.zikloan jolasen inguruan hausnarketa egin genuen:

Bigarren zikloan poster honetan emakumeen lanen inguruan ere hausnarketa egin zen:

Hirugarren zikloan Disney marrazkien inguruan hezkidetza landu zen, modu kritiko batean:

2023(e)ko martxoaren 15(a), asteazkena

Obenkun jatetxearen jabea den Esti, gure ikastetxera etorri zen DBH1eko ikasleei hitzaldi bat ematera. Gure ikasleak jatetxe jasangarri baten inguruko alderdi asko ezagutzeko aukera izan zuten. Mila esker Esti zure laguntzagatik! Plazer bat izan zen zure lana ezagutzea!

2023(e)ko martxoaren 8(a), asteazkena

MARTXOAK 8: EMAKUMEEN NAZIOARTEKO EGUNA

Mendialdea ikastetxeko ikasleek eskubideen eta benetako berdintasunaren alde gogotsu parte hartu dute martxoaren 8an. Emakumeen Nazioarteko Eguna ospatu dugu Kanpezun nahiz mundu osoan zehar, eta ikastetxeko neska-mutilek egun esanguratsu honetarako pankartak egin dituzte. Gaurko jolastorduan, aldarrikapenenetan murgildu gara eta argazkia egin dugu pankarta eta kartelekin.

LH 4.MAILAKOEN TELESAIOA

2023(e)ko martxoaren 3(a), ostirala

Musikariak institutuan

Mikel Urdangarinen ibilbidea

Ostiral honetan, martxoaren 3an, Mikel Urdangarin jaso dugu institutuan. DBHko 3. eta 4. mailako ikasleek azken bi hamarraldietako bakarlaririk esanguratsuenetakoaren zenbait alderdi ezagutzeko aukera izan dute.

Izan ere, Urdangarinek bere ibilbidean hartu behar izan dituen erabaki bat edo bestez hitz egin du: irakasletza utzi eta musikari izateaz, bere ibilbidea euskara hutsez egiteaz edo gaurko musikariek erabiltzen dituzten estudioko moldaketa batzuei uko egiteaz. Eta horrek mundu guztian zehar kontzertuak ematea ahalbidetu diola ere aipatu du.

Bien bitartean, hiruzpalau kantu jo ditu, txirrina entzun eta 4. mailakoak patata tortila banatzera joan diren arte.

2023(e)ko martxoaren 2(a), osteguna

“Nire lagunen gezurrak”

Joxemari Iturralde gure artean

Aste honetan Joxemari Iturralde izan da gure artean DBHko 1. eta 2. mailakoekin astelehenean eta Lehen Hezkuntzako 3/4 eta 5/6 mailakoekin asteazkenean.

Iturralde idazle ezaguna da. 1977an Pott Banda sortu zuten gazte batzuek (Bernardo Atxaga, Joseba Sarrionaindia, Ruper Ordorika eta Joxemari Iturralde bera tartean zeuden), literatura apurtzaile eta abangoardista bultzatzeko asmoz. Geroztik letren munduan dabil eta hamaika liburu argitaratu ditu, haur eta gazte literaturari eskainiak horietako asko.

Idazteaz gain, kontalari bikaina dela erakutsi zigun Iturraldek. Umorez gainezka, hitzaren laguntzarekin une ederra pasa genuen Play Station, Tik-tok eta antzekoen premiarik gabe.

“Nire lagunen gezurrak” liburua irakurri dugu azken asteotan eta frogatu dugu denok gezur txikiak esaten ditugula, ez Riskyren lagunek bakarrik. Eta batzuek gezur handiak ere esaten dituztela badakigu. Izan ere, nork ez du inoiz gezurrik esan?

2023(e)ko otsailaren 23(a), osteguna

INAUTERIAK DBH, OTSAILAK 17

Mendialdeaipiko DBH-ko ikasleak aurreko ostiralean dantza lehiaketa eta jolasak egin zituzten inauteriak ospatzeko, giro bikaina izan genuen!!

Inauteriak Mendialdea IPI-n

2023(e)ko otsailaren 9(a), osteguna

ZELULA AZTERTZEN...

DBH1eko gure ikasle Maria Beltránek, landare zelularen proiektuaren barne lan goxo hau aurkeztu digu! Mariak egindako tarta eder hau ekarri zigun landare zelularen atalak zeintzuk diren azaltzeko. Mila esker Maria! Lan bikaina! ZORIONAK!

2023(e)ko otsailaren 6(a), astelehena

Xake lehiaketa eta Musika taldea

Kaixo! Euskara batzordetik bi proposamen hauekin hasiko dugu astea, DBH-ko ikasleentzat zuzenduta. Euskararen erabilpena arlo guztietara zabaltzeko asmoarekin, xakea eta musika gustoko duten ikasleek errekreoetan praktikatzeko aukera izango dute.