LIBURUAREN EGUNA

Mendialdean, Liburuaren eguna apirilaren 23an ospatu genuen. 

Lehenik, trukatzeko zeuden liburuak ikusi genituen eta ondoren, liburuak hartuta txartel bat bete genuen. 

Geroago, Assuren  ama etorri zen ipuin bat kontatzera. Ipuin horrek, neska marokoar baten istorioa kontatzen zuen eta bere izenburua “Mi miel, mi dulzura” zen. 

Patiora joan baino lehen, klasean mimika joko batzuk egin genituen eta neskok irabazi genuen.

Patiotik bueltatu ginenean, ipuin bat asmatu genuen denon artean. Haur Hezkuntzako ikasleak hasi ziren ipuina idazten eta mailaz maila pasatu zen gure gelara heldu arte; hortaz, 6. mailakooi egokitu zitzaigun ipuinaren amaiera idazteko ardura.

Gero, bazkaltzera poz-pozik joan ginen, gure liburuen konpainiarekin.

Bazkaltzetik bueltatu ginenean, orri markagailuak eta marrazki bat egin genituen. Marrazki hori, gure ipuin zatiaren marrazkia zen. Ondoren, guztion artean idatzitako ipuina irratsaio berezi batetan entzun genuen pasabideetan eserita geundelarik. Hori bukatu ondoren, gela jaso eta etxera joan ginen, San Prudentzioko oporraldia gure liburuekin pasatzera.

Egun zoragarria izan zen!