KONPOSTEROAK BARATZAN

Kaixo! Gure baratzan aurtengo berrikuntza konposteroak jartzea izan da. Kanpezu-Arabako Mendialdeko Kuadrillari esker,tresnak eta lanabesak lortu ditugu: konpostagailuak,aireztatzaileak soberakin organikoak jasotzeko edukiontziak, palak eta baita egituratzailea (egur zati txikiak).  Ingurumen teknikariari esker konpostajea urratsez urrats ikasi genuen, hau da,  konpostaje- prozesua nolakoa den, zer konposta daiteken, mantentze lanak nola egin behar diren, baita ere sortu daitezken arazoak nola kudeatu eta irtenbideak egokiak bilatu. DBH-ko eta LH6 mailako ikasleak Arkaitz begiralearekin arduratzen dira egunero bazkaldu eta gero jantokiko hondakinak konposterora eramaten. Oraingoz ondo moldatzen ari dira eta espero dugu hilabete batzuen barne konposta gure baratzan erabili ahal izatea.