Aurten aldaketa askoren urtea izan da eta Agenda 21 zena orain Agenda 30 da. Aldaketa hau helburuak eta helburu hoiek betetzeko epea (2030) aldatu direlako da eta Eko-ordezkariei esker helburu hoiek zeintzuk diren ezagutu ditugu. Hamazazpi helburu hoien artean guk 13. helburua landu dugu eskolan " KLIMA BABESTEKO EKINTZA". Ekainaren 10 Udal Foroa izan genuen eta DBH-ko eraikinean Kanpezuko eta Bernedoko zinegotziak, Ingurumen Teknikaria, AMPA-ko guraso bat, A30 arduradunak eta LH-DBH-ko Eko-ordezkoak bildu ginen. Egun horretan urtearen zehar egindako ekintzak aurkeztu genituen.